राजा महेन्द्रले सुरु गरेको नेपाल चीन सम्बन्धलाई ओलीले नयां चरणमा प्रवेश गराए !

सन् १९५५ मा राजा महेन्द्रले सुरु गरेको नेपाल चीन सम्बन्धलाई ओलीले नयां चरणमा प्रवेश गराए । नेपालले् चाहेको सहयोग र ओलीको सुखी जनता समृद्ध नेपाललाई चीनले समेत उच्च प्रशंशा गर्नु निकै उपलव्धीमूलक पक्ष हो । सी ले चिनिया रेल नेपाल पुर्र्याउने बचन केवल बचन नभएर बास्तविक व्यवहार नै हो । चीनले अरुले जस्तो बोलेर नगर्ने हदैन । विद्युत प्रसारण लाइन निर्माण र टान्स हिमालयन कार्गो सुविधा नेपालले पाउने कुरा दौत्य सम्वन्धको ६० वर्ष पछि ओलीले पूरा गरे ।

राष्ट्रपति सीले नेपालको विकासका बारेमा भारतीय प्रधानमन्त्री नरेन्द्र मोदीसंग समेत कुरा गरेको प्रधानमन्त्री ओलीलाई बताउंदै नेपालको राजनीतिक छनोट र नयां परिस्थितिप्रति निकै गम्भीरता मात्र देखाएन कि एक सम्पन्न देश बनाउनु पर्ने रोडम्यापको झल्को नै सीले ओलीलाई दिए । प्रम ओलीको अथक मेहनत र दरो राजनीतिक प्रतिवद्धताकै फल हो ।

ओलीले नेपालको भूराजनीतिक सम्वेदनशीलतालाई विकासको एक अवसरका रुपमा बदल्ने दिशमा यो भ्रमण कोशे ढुंगा सावित हुनसक्छ ।

यो भ्रमण पछि उत्पन्न हुनसक्ने पराकम्पनहरुलाई भने राजनीतिक रुपमा थेग्न ओलीको पार्टी र सरकार दृढ रहिरहनु पर्ने आवश्यकता छ । यस्तो बनाइरहन ओलीले कति सक्छन् त्यसमा नै चिनिया सहयोग निर्भर पर्दछ । त्यसका प्रचण्डले ओली चीन भ्रमणलाई सम्पूर्ण रुपले अघि बढाउने पार्टी पंक्तिलाई परिचालित गर्नु पर्ने छ ।

चीनले प्रधानमन्त्री केपी शर्मा ओलीले अघि सारेको ‘समृद्ध नेपाल, सुखी नेपाली’को लक्ष्य हासिल गर्न पूर्ण सहयोग गर्ने प्रतिवद्धता जनाएको छ ।चीन भ्रमणमा रहेका प्रधानमन्त्री केपी शर्मा ओलीले चिनियाँ समकक्षीलाई भेटपछि १४ बुँदे संयुक्त वक्तव्य जारी भएको छ । बेल्ट एण्ड रोड इनिसिएटिभको समझदारी कार्यान्वयन गर्न दुबै देश सहमत भएका छन् । रोड, रेल्वे लगायतलाई ‘ट्रान्स हिमालय मल्टिडाइमेन्सनल कनेक्टिभिटी नेकबर्क’को फ्रेमवर्कमा अघि बढाउने दुवै देश प्रतिवद्ध रहेको वक्तव्यमा उल्लेख छ ।

एकैपल्ट तीन देशका कम्युनिष्ट सरकार प्रमुख चीनमा , कीन बोलायो चीनले एकैपटक ? पढ्नुहोस

काठमाडौं ,

नेपालको प्रधामन्त्री तथा नेकपा अध्यक्ष केपी शर्मा ओली ११९ जनाको जम्बो टोली लिएर चीन भ्रमणमा गएका छन् । प्रधानमन्त्री ओली मंगलबार चीन पुगेका हुन् ।

यो भ्रमणमा चीनमा एकै पटक तीन मुलुकका कम्युनिष्ट राष्ट्र प्रमुखहरुको जमघट भएको छ । उत्तर कोरियाका नेता किम जोङ उन, वोलिभियाका राष्ट्रपति इभो मार्लोस र नेपालका प्रधानमन्त्री केपी शर्मा ओली ।

सोमबार बोलिभियाका राष्ट्रपति तथा वामपन्थी समाजवादी पार्टी ‘मुभमेन्ट फर सोसलिज्म (समाजवादी अभियान)का अध्यक्ष इभो चीनको राजधानी बेइजिङबाट १४० किलोमिटर पूर्व सामुन्द्री किनारको शहर तान्जिन पुगेका थिए ।

त्यसका भोलीपल्ट मंगलबार नेपालका प्रधानमन्त्री ओली र उत्तर कोरियाको वर्कस पार्टीका अध्यक्ष तथा राज्य परिषदका अध्यक्ष किम जोङ उन मंगलबार चीन पुगेका थिए ।

चीनका राष्ट्रपति सी जिनपिङ र प्रधानमन्त्री केपी शर्मा ओलीबीच भएको भेटवार्ताले दुई देशबीचको सम्बन्धलाई थप उचाइमा पुर्‍याएको बताएका छन् ।

मंगलबार बेइजिङ पुगेर प्रधानमन्त्री ओलीले चिनियाँ राष्ट्रपति सी जिङ पिङसँग भेटवार्ता गरेका थिए । चीनको बेइजिङस्थित ग्रेट हल अफ द पिपुलमा सम्पन्न दुई नेताबीचको भेटवार्ता भएको थियो । मन्त्री ज्ञवालीलेका अनुसार दुई देशबीचको सहयोगका क्षेत्र पहिल्याउने विषयमा पनि विचारविमर्श भएको छ ।

त्यस्तै तेस्रो चीन भ्रमणका क्रममा बेइजिङ पुगेका उत्तर कोरियाली नेता किमले बुधबार चिनियाँ राष्ट्रपति सीसँग भेटवार्ता गरेका छन् । दुई नेताबीच भएको भेटवार्तामा दुई देश तथा चिनियाँ कम्युनिस्ट पार्टी र उत्तर कोरियाको वर्कस पार्टीबीचको सम्बन्धलाई नयाँ उचाइमा पुर्‍याउने सहमति भएको छ ।

सिङ्गापुरमा सम्पन्न ट्रम्प–किम शिखर सम्मेलनको एक सातापछि उनी बेइजिङ पुगेका हुन् । सन् २०११ मा उत्तर कोरियाको सत्तामा पुगेपछि किम पहिलो पटक विदेश भ्रमणका क्रममा मार्चमा बेइजिङ पुगेका थिए । त्यसयता उनी मे महिनामा पनि चीन पुगेका थिए ।
यसैबीच चौथो पटक बेइजिङ पुगेका बोलिभियाली राष्ट्रपति इभो र चिनियाँ राष्ट्रपतिबीचको भेटवार्ताका क्रममा दुई देशबीच आपसी राजनीतिक विश्वासका आधारमा चीन र बोलिभियाबीचको असल साझेदारी हुनुपर्ने चिनियाँ राष्ट्रपतिले बताएको चाइना डेलीले जनाएको छ ।

‘ चिनियाँ रेल छिट्टै काठमाडौंमा ‘ चीनीया राष्ट्रपतीले यस्तो भनेपछी ओलीले के भने ?

बेइजिङ ,

राष्ट्रपति सी जिनपिङले चिनियाँ रेल छिट्टै काठमाडौं पुग्ने विश्वास व्यक्त गरेका छन् । चीन भ्रमणमा रहेका प्रधानमन्त्री केपी शर्मा ओलीसँग बुधबार भएको भेटमा राष्ट्रपति सीले नेपालको विकास यात्रामा साझेदार बन्न चीन तयार रहेको बताएका हुन् ।

पूर्वाधार विकास नेपालको प्राथमिकतामा रहेको भन्दै प्रधानमन्त्री ओलीले रेल्वे र उत्तर दक्षिण जोड्ने सडक तथा नाका खुलाउनुपर्नेमा जोड दिएका थिए । जवाफमा राष्ट्रपति शीले चिनियाँ रेल छिट्टै काठमाडौं पुग्ने विश्वास व्यक्त गरेका छन् ।

रेल्वे निर्माणबारे भोलि दुई देशबीच सम्झौता पनि हुँदैछ । परराष्ट्रमन्त्री प्रदीप ज्ञवालीका अनुसार रेल्वबारे भइरहेको पूर्वसम्भाव्यता अध्ययन अगष्टमा सक्ने समझदारी हुन लागेको हो ।

पूर्वसम्भाव्यता अध्ययनपछि डेढ वर्षमा डीपीआर तयार पार्ने र त्यसको ५ वर्षमा रेल निर्माण सक्ने योजना छ । तर,  रेल्वे निर्माणको मोडालिटी टुंगिएको छैन । नेपालले नेपालले अनुदानमा बनाइदिन आग्रह गरेको छ ।

चीनले पूर्ण अनुदानमा बनाउन नमाने केही अनुदान र केही सहुलियतपूर्ण ऋणमा भएपनि बनाउने सरकारको योजना छ । यो रेल नाफा घाटा भन्दा पनि रणनीतिक महत्वको भएको भन्दै परराष्ट्रमन्त्री ज्ञवालीले भने, ‘मोडालिटीबारे हामी छलफलमै छौं । तर, हामी आफ्नो तर्फबाट पनि योगदान गर्न तयार छौं ।’

राष्ट्रपति सी नेपालले अघि सारेको प्राथमिकता र दृष्टिकोणको सानिध्यमा रहेको पाएको भन्दै परराष्ट्रमन्त्री ज्ञवालीले भने, ‘छलफलबाट हामी उत्साहित छौं ।’

स्वागत गर्न आतुर छौं : ओली

भेटमा प्रधानमन्त्री ओलीले राष्ट्रपति सीलाई नेपालमा स्वागत गर्न आतुर रहेको बताएका छन् । सीले एसियाका धेरै देशको भ्रमण गरेको उल्लेख गर्दै उनले नेपाली जनताले पनि स्वागतको चाहना राख्नु स्वभाविक भएको बताएका छन् ।

नेपालमा स्थायित्व भएको र यो उपयुक्त समय भएको भन्दै शीले दुबैतर्फ अनुकुल समय मिलाएर नेपाल आउने बताएको परराष्ट्रमन्त्री ज्ञवालीले जानकारी दिए ।

चीन भ्रमणका लागी बेइजिङ पुग्ने बित्तीकै प्रधानमन्त्री ओलीले यस्तो भने.. (पुरा पढ्नुहोस)

बेइजिङ ,

प्रधानमन्त्री केपी ओलीले हिमाल वारिपारिको कनेक्टिभिटीलाई बलियो बनाएर दुईपक्षीय सहकार्य अघि बढाउने बताएका छन् । मंगलबार साँझ बेइजिङ पुगेलगत्तै दूतावासले गरेको सम्मान कार्यक्रममा उनले यस्तो धारणा राखेका हुन् ।

चिनियाँ भाषामा नै सम्बोधनको पहिलो लाइन वाचन गरेर प्रधानमन्त्रीले उपस्थित चिनियाँको ध्यान खिचेका थिए। प्रधानमन्त्री ओलीले चीन नेपालको भरपर्दो छिमेकी तथा मित्रराष्ट्र भएको बताउँदै दुईपक्षीय सहकार्य अघि बढ्ने बताए।

नेपालले एक चीन नीतिलाई सदा समर्थन गर्दै आएको दोहोर्‍याउँदै चीनले गरेको तीव्र विकासबाट नेपालले पनि लाभ लिन चाहेको बताए। नेपाल बेल्ट एण्ड रोड इनिसियटिभ्स (बीआरआई) मा आबद्ध भइसकेकोले अब ठूला लगानी र हिमालपारिको कनेक्टीभिटीमा जोड दिनुपर्ने बताए।

आफ्नो अघिल्लो भ्रमण २०७२ चैतमा भएका सन्धि सम्झौताको कार्यान्वयन र थप नयाँ सम्झौताहरू गरिने पनि उनले कार्यक्रममा बताए। मुलुक र जनताको हितलाई ध्यानमा राखेर नै सन्धि र सम्झौताहरु हुने पनि उनले बताए। चीन भ्रमणमा आएका नेपाली टोली, चिनियाँ उच्च अधिकारी, नेपाललाई माया गर्ने र नेपालबारे चासो राख्ने चिनियाँहरु, व्यापारी तथा लगानीकर्ता, चीनमा अध्ययनरत नेपाली विद्यार्थीहरुको उपस्थिति थियो।

प्रधानमन्त्री ओलीले ‘लुक वी’ नामक पत्रिकाको विमोचन समेत गर्दै बेइजिङस्थित नेपाली दूतावासको विच्याटको शुभारम्भ पनि गरे। एक सय २० नेपाली प्रतिनिधि मण्डलको नेतृत्व गर्दै प्रधानमन्त्री ओली मंगलबार साँझ नै बेइजिङ आइपुगेका हुन्। टोलीमा प्रधानमन्त्री ओली, उनकी धर्मपत्नीका साथै चारजना मन्त्री छन्। विषयगत मन्त्रालयका उच्च अधिकारी, सचिवालयका सदस्य, सल्लाहकारहरु, सुरक्षा सम्बन्ध अधिकारी, उद्योगी व्यापारी, पत्रकार तथा अन्य विशिष्ट व्यक्तिहरु त्यहाँ रहेका छन्।

भ्रमणका क्रममा प्रधानमन्त्री ओलीले चिनियाँ राष्ट्रपति सि चिनफिङसँग भेटवार्ता गर्नेछन् भने चिनियाँ समकक्षी लि खछ्याङसँग प्रतिनिधिमण्डलस्तरमा वार्ता गर्ने कार्यक्रम छ। यस अलावा उनले बेइजिङमा हुने विविध कार्यक्रममा सहभागिता जनाउनेछन्।

 

ओलीको सम्बोधन अंग्रेजीमा भए पनि त्यसको चिनियाँ भाषामा उल्था समेत गरिएको थियो। प्रधानमन्त्रीको भ्रमणको क्रममा आर्थिक करिडोर घोषणालाई सम्झौतामा रूपान्तरण गर्ने विषयदेखि रेलमार्ग अध्ययन गर्ने, तिब्बतको राजमार्ग खाद्यान्न ढुवानीका निम्ति आठवटा नाकासम्म पुर्‍याउने, केरुङ–काठमाडौं रेलमार्ग निर्माण, रसुवागढी र तातोपानीमा ‘नेपाल–चीन मैत्री पुल’ निर्माण, देशका परराष्ट्र मन्त्रालयबीच संयन्त्र स्थापनासम्बन्धी समझदारीमा हस्ताक्षर हुने बताइएको छ।

वरिष्ठ न्यूरो सर्जन डा. उपेन्द्र देवकोटाको निधन

काठमाडौं ,

वरिष्ठ न्यूरो सर्जन डा. उपेन्द्र देवकोटाको निधन भएको छ। पित्त नलीको क्यान्सरबाट पीडित देवकोटाको सोमबार साँझ ५:३५ बजे वासवारी स्थित न्यूरो अस्पतालमा निधन भएको हो। डा. देवकोटाका आफन्त काँशिराज घिमिरेले डा. देवकोटाको निधन भएको बताए।

बेलायतमा ६ महिना भन्दा लामो उपचार गरे पनि निको नभएपछि देवकोटालाई बैशाख पहिलो साता नेपाल ल्याइएको थियो। त्यस पछि उनले नै स्थापना गरेको न्यूरो अस्पतालमा उपचार गरिएको थियो। पछिल्लो समय रोगले च्याप्दै लगेपछि देवकोटाको अधिकांश अंगले काम गर्न छोडिसकेको थियो।

२५ वर्ष वीर अस्पतालमा सेवा गरेका देवकोटाले नेपालमा न्यूरो सर्जरी सेवालाई विस्तार र विकास गर्न महत्वपूर्ण योगदान गरेका थिए। वीर अस्पतालमा पहिलो पटक न्यूरो सर्जरी विभाग स्थापना गर्ने श्रेय समेत देवकोटालाई जान्छ। उनी स्वास्थ्य मन्त्री हुँदा चीकित्सा विज्ञान राष्ट्रिय प्रतिष्ठान नेम्सको स्थापना गरेका थिए।

‘ धेरै तर्साउनु हुन्न कांग्रेसको सातो जाला र फेरि सातो गयो भने उपचार गराउनु पर्ला ‘ : नेपाल

काठमाडौं ,

नेपाल कम्युनिष्ट पार्टीका नेता एवम् पूर्व प्रधानमन्त्री माधव कुमार नेपालले कांग्रेसलाई तर्साउनु नहुने बताएका छन्।

शुक्रबार रौतहटमा आयोजित एक कार्यक्रममा सम्बोधन गर्दै नेता नेपालले धेरै तर्सायो भने कांग्रेसको सातो जाने बताए।

‘धेरै तर्साउनु हुन्न कांग्रेसको सातो जाला र फेरि सातो गयो भने उपचार गराउनु पर्ला त्यसैले सरकारले कांग्रेसप्रति अहिले हेयको दृष्टि राख्नु हुन्न,’ नेपालले भने।

नेता नेपालले कांग्रेस त्यतिकै आत्तिन नहुने भन्दै राम्रो कामका लागि शुभकामनासमेत दिएका छन्।

‘अहिले कुराभन्दा काम गरेर देखाउनुपर्छ। अब बजेट बनिसक्यो,’ उनले भने, ‘त्रूटिहरू सुधार्दै जानुपर्छ। अन्य पार्टीबाट आएको सुझावलाई समेटेर अघि बढ्नुपर्छ।’

प्रदेशको बजेटले सिंगो प्रदेशको विकास हुने भन्दै उनले अब कसैले नक्कली कागज बनाएर विकासको रकम हिनामिना गर्न नसक्ने दाबी गरे।

कार्यक्रममा उनले कुनै बिदेशीको बिरोध गर्न नहुने बताए। भारत चीन जस्ता छिमेकी देशसँग मित्रता कायम राख्नुपर्ने उनको भनाई थियो। ‘हामी सबै देशसँग मित्रता चाहान्छौ र नेपालको भलो चाहान्छ,’ उनले भने।

उनले कम्युनिष्ट सरकारको दुई तिहाई पुग्यो भनेर दुई तिहाईको दम्भ राख्न नहुने तर्क गरे। ‘बहुमतको दम्भ भन्दा पनि सबै पार्टीलाई साथ र सहयोग लिएर अघि बढ्नुपर्छ। फुटेर होइन जुटेर जानुपर्छ,’ उनले भने, ‘भर्खरै पहिलाको माओवादी र पहिलेको एमाले मिलेर एउटै पार्टी भएको छ।’

सबैलाई चकीत पार्ने ओली सरकारको यती ठुलो योजना ! यस्तो योजना आउला भनेर सोचीएकै थीईएन..

काठमाडौं ,

केपी अाेली नेतृत्वकाे सरकारले  पूर्वपश्चिम राजमार्गको छेउबाट जल राजमार्ग पनि बनाउने भएको छ । खानेपानी मन्त्रालयले तराई क्षेत्रमा शुद्ध खानेपानी वितरण गर्ने अवधारणा सहित यो योजना अघि सार्ने भएको हो ।

देशका प्रमुख नदीको पानीलाई एकत्रित गरेर राजमार्गको आसपासबाट जल राजमार्ग निर्माणको सम्भाव्यता अध्ययनको कार्यलाई अघि बढाउन लागिएको खानेपानी मन्त्रालयका सचिव कृष्णराज बिसीले रातोपाटीलाई जानकारी दिए ।

उनले भने–‘कोसी, कमला, नारायणी, राप्ती, भेरी, बबई, कर्णाली लगायत देशका ८ नदीको पानी मिसाएर पूर्वपश्चिम जल राजमार्ग निर्माण गर्ने मन्त्रालयको योजना छ ।’

तराईमा आर्सनिक मिसिएको पानी पिउनुपर्ने अवस्था, जमिनको पानी सकिने संभावना, विश्व तापामान बृद्धी लगायतका कारण पूर्व पश्चिम तराई क्षेत्रमा स्वच्छ पिउने पानीको व्यवस्था गर्न दीर्घकालीन रणनीतिक महत्वको पूर्वपश्चिम जल राजमार्गको अवधारणा अघि ल्याइएको हो ।

खानेपानी आयोजनाहरु मध्येमा हालसम्मकै ठूलो आयोजनाका रुपमा पूर्वपश्चिम पानी राजमार्ग बन्ने उनको भनाई छ । यसबारेमा दातृनिकायहरुसँग पनि छलफल गरिने उनले बताए ।

पहाडको पानी विदेशमा
नेपालका पहाडी क्षेत्रमा प्राकृतिक मुहान, झर्ना तथा हिमाली क्षेत्रबाट आएको पानी ‘प्याकेजिङ’ गरेर विदेश पठाउन सकिनेबारे पनि संभाब्यता अध्ययन गर्न लागिएको खानेपानी मन्त्रालयका सचिव कृष्णराज बिसीले जानकारी दिए ।

उनले भने–‘प्राकृतिक शुद्ध पानी विश्वको सबैभन्दा महंगो पानी हुनसक्छ । अरबका धेरै देशहरुमा प्राकृतिक पानीको स्रोतको अभाव छ, त्यी देशमा नेपालले शुद्ध पानी कार्गो गरेर निर्यात गर्न सक्छ ।’

नेपालका उच्च भूभागमा पानी उद्योग विकास गर्नेबारे पनि संभाव्यता अध्ययन गर्ने र यसलाई दीर्घकालीन योजना बनाएर अघि बढ्ने उनले बताए । यो विषयलाई बजेटमा समावेश गर्न पठाएपनि दुई साता अघि प्रस्तुत बजेटमा भने समावेश नगरिएको उनले बताए । यो योजनालाई मन्त्रालयले आफ्नो प्राथमिकतामा राखेको सचिव बिसीले जानकारी दिए ।

टेलिभिजन कार्यक्रम ‘हलो प्रधानमन्त्री’ शुभारम्भ गर्दै प्रधानमन्त्री ओलीले बिरोधीलाई यस्तो भने..

काठमाडौं । प्रधानमन्त्री केपी शर्मा ओलीले सत्यमा आधारित र रचनात्मक आलोचनालाई सरकारले स्वागत गर्ने बताएका छन् । तर, आफ्नो क्षणिक स्वार्थका लागि कसैले पनि मर्यादाको सीमा नाघ्न नहुने बताए ।

टेलिभिजन कार्यक्रम ‘हलो प्रधानमन्त्री’ कार्यक्रमको शुभारम्भ गर्दै प्रधानमन्त्री ओलीले भने, ‘आलोचनालाई स्वागत गर्छु, आलोचना रचनात्मक होस्, सत्यमा आधाररित हो । सही आलोचनाले सत्य बाटो पहिल्याउन मदत गर्छ ।’

निरर्थक विरोधको भने अर्थ नहुने बताए । लोकतन्त्र सम्भ र सुसंस्कृत समाज भएको भन्दै उनले भने, लोकतन्त्र भनेको छाडातन्त्र होइन, अनुशासित प्रणाली हो ।’

समाजिक सञ्जालतर्फ संकेत गर्दै उनले नक्कली आइडी बनाएर जथाभावी आलोचना गर्नेहरु पनि बढेको भन्दै उनले यसबारे समाज बोल्नु पर्नेमा जोड दिए ।

ट्रम्प–किम सुरक्षामा नेपाली खुकुरी सहीत खटे बहादुर गोर्खाली सेना ! गोर्खालीको हातमा शुरक्षा..

काठमाडौं ,

पहिलो पटक वार्ता गर्न अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उन आइतबार सिंगापुर पुगेका छन्। उनीहरूबीच मंगलबार वार्ता तय भएको छ। दुबै नेताले आफ्नो व्यक्तिगत सुरक्षा टोली ल्याएर आएका छन्।

ट्रम्प र किमको सुरक्षाका लागि सिंगापुरले आफ्नो प्रहरीमा रहेका गोर्खाहरूलाई खटाएको छ। सिंगापुर प्रहरीका गोर्खाहरू वार्तास्थल, सडक र होटलको सुरक्षामा खटेका छन्।

सिंगापुरका कानून तथा आन्तरिक मामिला मन्त्री के. सान्मुगमले ट्रम्प र किमको सुरक्षार्थ ५ हजार बढी प्रहरी परिचालन गरिएको र त्यसमध्ये विशेष दस्ताका रूपमा गोर्खा रहेको बताए।

‘यति महत्वपूर्ण कार्यक्रमको सुरक्षामा गोर्खाहरूले जिम्मेवारी पाएको देख्नु गर्वको क्षण हो,’ ३७ वर्ष बेलायती सेनामा काम गरेका कृष्णकुमार आलेले समाचार संस्था एपीसँग भने, ‘यसले संसारका दुई महत्वपूर्ण नेताको सुरक्षामा हामीलाई विश्वास गरिने तहसम्म हामी गोर्खाहरु पुग्यौं भन्ने देखाउँछौं।’

केही समयअघि भारतीय प्रधानमन्त्री नरेन्द्र मोदी, अमेरिकी रक्षा मन्त्री जिम म्याटिससहित केही क्षेत्रीय मन्त्रीहरू एक सुरक्षा गोष्ठीका लागि आउँदा पनि सांग्रिला होटलको सुरक्षामा अरूबेला खासै नदेखिने गोर्खा सैनिक खटिएका थिए।

कार्यकारी राष्ट्रपतिदेखि फोरमसँगको एकताबारे प्रचण्डले मुख खोले ! के भने ?

मोरङ ,

पूर्वप्रधानमन्त्री तथा नेपाल कम्युनिष्ट पार्टी (ने क पा) का अध्यक्ष पुष्पकमल दाहाल प्रचण्डले कार्यकारी राष्ट्रपतिको विषयमा अहिले अल्मलिने बेला नभएको बताएका छन् । अाइतबार विराटनगरमा पत्रकारसँगको कुराकानी गर्दै प्रचण्डले यस्तो बताएका हुन् । उनले भने ‘अहिलेको स्थिर सरकारले मुलुकको विकास, समृद्धि र सुशासन कायम गर्ने बेला भएकाले कार्यकारी राष्ट्रपतिको एजेण्डा आउँदो निर्वाचनका बेलामा छलफल हुन जरूरी छ ।’

त्यसैगरि प्रचण्डले उपेन्द्र यादव नेतृत्वको संघीय समाजवादी फोरमसँग पार्टी एकीकरणको विषयमा छलफल भएको बताए । तर अहिले तत्काल त्यसको संभावना नभएको बताए । त्यस्तै राष्ट्रिय जनता पार्टी (राजपा)लाई सरकारमा सहभागी गराउने बारे एकचरण छलफल भएको र अब पून: छलफल हुने बताए ।

प्रदेश २ मा अहिले नै तत्काल बामपन्थी सरकार बनाउनु भन्दा सुशासन र विकासमा लग्ने पहिलो प्राथमिकता भएको उनले बताए । संघीय समाजवादी र राजपाको गठबन्ध टुटेपछि प्रदेश २ मा बामपन्थीले सरकार बनाउने उनको भनाई थियो ।

सत्य निरुपण तथा मेलमिलाप आयोगले शान्ति प्रकृयासँग सम्बन्धित बाँकी काम पूरा गर्नु पर्ने उनको भनाई छ । ‘आयोगको काम जुन गतिका साथ अघि बढनु पथ्र्याे त्यसमा ढिलाई भएको हो,’ उनले भने, ‘सत्य निरुपण तथा मेलमिलाप आयोगलाई शान्ति प्रक्रियासँग सम्बन्धित सबै काम पूरा गर्न सरकारले समय थप गर्छ ।’