” उपचुनाव लड्ने कुनै योजना छैन ” : नारायणकाजी श्रेष्ठ

गोरखा

नेपाल कम्युनिष्ट पार्टी -नेकपा)का प्रवक्ता नारायणकाजी श्रेष्ठ प्रकाशले उपचुनाव लड्ने कुनै योजना नरहेको बताएका छन् ।

श्रेष्ठ गोरखा १ मा नयाँ शक्तिका नेता डा. बाबुराम भट्टराईसँग पराजित भएका थिए । बर्दिया १ मा चुनाव हारेका नेकपाका अर्का नेता वामदेव गौतमले चुनाव लड्न मरिहत्ते गरेका छन् । पछिल्लो पटक उनले काठमाडौं ७ मा चुनाव लड्न रामवीर मानन्धरलाई राजीनामा गराउन सहमत गराएका थिए ।

तर, चौतर्फी आलोचना भएपछि गौतम तत्काल उपचुनाव नलड्ने निर्णयमा पुगेको छन् ।

शनिबार एक कार्यक्रमका लागि गोरखा आएका नेकपाका अर्का नेता श्रेष्ठलाई पनि सञ्चारकर्मीहरुले यही प्रश्न सोधे । तर, पूर्वपराष्ट्रमन्त्री समेत रहेका श्रेष्ठले उपचुनावको निर्वाचन लड्ने कुनै योजना नभएको बताए । ‘उपनिर्वाचनमा लड्ने मेरो कुनै योजना छैन’ उनले भने, ‘कसैले प्रस्ताव राखेपनि म स्वीकार गर्दिन ।’

प्राविधिक त्रुटीले भत्ता बढेन

नेकपाका नेता प्रकाशले यो बर्ष प्राविधिक त्रुटीका कारण भत्ता वृद्धि नभएको बताए ।

‘सरकारले बृद्ध भत्ता पाँच हजार पुर्‍याउने भनिसकेको छ, अहिले बढेन भनेर चिन्ता लिनुपर्दैन’ नेकपा गोरखाको सिरानचोक गाउँपालिका-४ चोरकाटेको आयोजनामा शनिबार आयोजित कार्यक्रममा नेता श्रेष्ठले भने, ‘अहिले केही प्राविधिक त्रुटी भयो तर, अबको पाँच बर्षभित्र भत्ता पाँच हजार पुग्छ ।’

सरकारले आर्थिक समृद्धि र विकासलाई केन्द्रमा राखेर काम गरिरहेको उनले दाबी गरेका छन् । ‘जम्मा सात महिना बितेको छ, अहिल्यै केही गरेन भन्न मिल्दैन’ उनले भने ।

अपेक्षा धेरै भएका कारण सरकारले गरेका कामको उचित मुल्याकंन नभएको उनले बताए । आन्तरिक तयारीमा केही समय बितेको भन्दै श्रेष्ठले आगामी दिनमा सरकारले परिणाम देखिने गरी काम गर्ने जानकारी दिए ।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.