आजको राशिफल

सूर्य शौर्यमथेन्दुरुच्चपदवीं सन्मङ्गलं मङ्गलं । सद्वुद्धिं च वुधो गुरुश्च गुरुतां शुक्रः शुभं शं शनिः ।।
राहुर्वाहुबलं करोतु सततं केतुः कुलस्योन्नतिं । नित्यं प्रीतिकरा भवन्तु मम ते सर्वेऽनुकूला ग्रहाः ।।

पञ्चाङ्ग
श्रीसूर्य दक्षिणायन, शरदृतु, विरोधकृत् नाम संवत्सर, श्रीशाके १९४०, विक्रमसम्वत २०७५ साल कार्तिक २५ गते रविबार नेपाल सम्बत ११३९ कछलाथ्व, सन् २०१८नोभेम्बर ११ तारिक शुक्लपक्ष चौथी तिथि राती ११ वजेर २० मिनेटसम्म उप्रान्त पञ्चमी तिथि, मूल नक्षत्र राती १२ वजेर ३९ मिनेटसम्म पूर्वषाढा नक्षत्र,सुकर्मयोग, वणिजकरण, आनन्दादियोग सिद्धि, सूर्य तुला राशीमा, चन्द्रमा धनु राशीमा ।

मुहूर्त
राहुकालः–अशुभ अपरान्ह ३ वजेर ५१ मिनेटबाट ५ वजेर १२ मिनेटसम्म रहनेछ,अशुभ यमघण्टायोगः–पूर्वान्ह ११ वजेर ४८ मिनेटबाट अपरान्ह १ वजेर ९ मिनेटसम्म रहनेछ । गुली कालः–सामान्य अपरान्ह २ वजेर ३० मिनेटबाट ३ वजेर ५१ मिनेटसम्म रहनेछ । दूरमुहूर्तः–अशुभ अपरान्ह ३ वजेर ४६ मिनेटबाट ४ वजेर २९ मिनेटसम्म रहनेछ । शुभ अभिजित मुहूर्तः–पूर्वान्ह ११ वजेर २५ मिनेटबाट मध्यान्ह १२ वजेर ९ मिनेटसम्म रहनेछ ।

दिन बार वेला
सूर्योदय कालबाट प्रातः ७ वजेर ४३ मिनेटसम्म उद्वेग वेला,७ वजेर ४३ मिनेटबाट ९ वजेर ४ मिनेटसम्म चर वेला,९ वजेर ४ मिनेटबाट १० वजेर २५ मिनेटसम्म लाभ वेला,१० वजेर २५ मिनेटबाट ११ वजेर ४६ मिनेटसम्म अमृत वेला,११ वजेर ४६ मिनेटबाट १ वजेर ८ मिनेटसम्म काल वेला,१ वजेर ८ मिनेटबाट २ वजेर २९ मिनेटसम्म शुभ वेला,२ वजेर २९ मिनेटबाट ३ वजेर ५० मिनेटसम्म रोग वेला र ३ वजेर ५० मिनेटबाट सूर्यास्त कालसम्म उद्वेग वेला रहनेछ ।

रात्री बार बेला
सूर्यास्त कालबाट ६ वजेर ५१ मिनेटसम्म शुभ वेला,६ वजेर ५१ मिनेटबाट ८ वजेर ३० मिनेटसम्म अमृत वेला,८ वजेर ३० मिनेटबाट १० वजेर ९ मिनेटसम्म चर वेला,१० वजेर ९ मिनेटबाट ११ वजेर ४८ मिनेटसम्म रोग वेला,११ वजेर ४८ मिनेटबाट १ वजेर २६ मिनेटसम्म काल वेला,१ वजेर २६ मिनेटबाट ३ वजेर ५ मिनेटसम्म लाभ वेला,३ वजेर ५ मिनेटबाट ४ वजेर ४४ मिनेटसम्म उद्वेग र ४ वजेर ४४ मिनेटबाट सूर्योदय कालसम्म शुभ वेला रहनेछ ।

राशी
मेषः– समय सुधारोन्मुख देखिन्छ । काम गर्दा इज्जत प्रतिष्ठाको ख्याल राखेर गर्नु होला । आफ्ना काम भन्दा अरुका काम बढि हुनेछन् तर काम गरेर जश कम मिल्नेछ । लाभदायक यात्राको सम्भावना देखिन्छ । अरुको भरमा मात्रै काम नगर्नु होला । व्यापार व्यवसायमा खासै प्रगति हुने देखिन्न । आस्था र विश्वास बढ्नेछ ।

वृषः– समयले साथ दिने छैन । दुःख कष्ट हैरानी बढि हुनेछ । काम गर्दा विचार पु¥याउन सकिएन भने रित्तो हात फर्कनु पर्ला । परिवारमा समस्या बढ्न सक्छन् । व्यापार व्यवसायमा गिरावट आउनेछ । विश्वास र भरोसामा काम गर्न सकिने छैन । वेइमानको हातमा धन पर्न सक्छ सतर्क रहनुहोला । स्वास्थ्यमा समस्या आउन सक्छ ।

मिथुनः– समयले सामान्य साथ दिनेछ । लगनशिल भई गरेका अधिकाँश काम सफल हुनेछन् । कुरा भन्दा काममा ध्यान दिनुहोला । काम अनुसारको दाम हातमा पर्नेछ । देखिने शत्रु भन्दा नदेखिएका शत्रु बढि हुनेछन् । व्यापार व्यवसायबाट आम्दानी बढ्नेछ । पारिवारिक सहयोग मिल्नेछ । यात्राको सम्भावना देखिन्छ ।

कर्कटः– साझेदारी भन्दा एक्लौटि व्यवसायबाट आय आर्जन राम्रो हुनेछ । तनावले छोड्ने छैन । आहार विहारमा ध्यान दिन सकिएन भने स्वास्थ्य कमजोर बन्नेछ । ऋण लगानीमा जोड नदिनु होला । व्यापार बढ्नेछ । काममा प्रतिश्पर्धा गर्नु पर्नेछ । विरोधीको सक्रियता बढ्नेछ । काम गर्दा गोपनियता अप्नाउनु होला ।

सिंहः– दोमन गरेर काम नगर्नु होला । समयमा निर्णय लिन सकिएन भने आफुले लिने ठाँउ अरुले लिनेछन् । व्यापार व्यवसायबाट सामान्य आम्दानी हुनेछ । उच्चमनोबलका साथ काममा लाग्नु होला थोरै सफलता मिल्नेछ । पढाई लेखाईमा अवरोध आउन सक्छ । आफन्तको सहयोग अल्प मिल्नेछ ।

कन्याः–शरीरि एवं मानसिक दूर्वलता बढ्नेछ । घरका समस्या बढ्ने छन् । अनावस्यक खर्च बढ्नेछ । विवाद रहित काम गर्न सकिने छैन । आफुमा भएको उर्जाको सदुपयोग गर्न सकिने छैन । व्यापार व्यवसायमा गिरावट आउनेछ । विश्वास र भरोसा टुट्नेछ । मनमा शान्ति मिल्ने छैन । घर डेराको समस्या पर्न सक्छ ।

तुलाः– काम गर्ने जोश जागर बढ्नेछ । उच्च व्यक्तित्वको सुझाव सल्लाहमा काम गर्दा राम्रै हुनेछ । आफ्नै प्रयत्नबाट धेरै काम सम्पादन हुनेछन् अर्थोपाजन हुनेछ । व्यापार व्यवसायबाट आय आर्जन राम्रो हुनेछ । साथि भाई इष्टमित्रबाट सहयोग प्राप्त होला । भ्रमलाई चिरेर काम गर्नु होला । घरका समस्याबाट मुक्ति मिल्ने छैन ।

वृश्चिकः– आर्थिक लगानीमा जोड नदिनु होला । धन दिएमा फिर्ता नहुन सक्छ । व्यापार व्यवसायबाट उचित लाभ लिन सकिने छैन । आफन्तबाट नै विश्वास घात हुन सक्छ । कहि कतैबाट भाग्य खोने प्रयत्न हुनसक्छ सतर्क भएर काम गर्नु होला । मान्य जनको सुझाव सहयोग र आशिर्वाद लिएर काम गर्नु होला ।

धनुः– समयमा सुधार आउनेछ । काममा देखिएका समस्या कम हुनेछन् । मनोरञ्जनात्मक काममा खर्च ज्यादा हुनेछ । अरुको भर नपर्नु होला । वित्तिय कारोवारमा सानातिना समस्या देखिने छन् । भोज भतेरको निम्तो आउन सक्छ । स्पष्ट बोल्दा घाटा हुनेछ । कार्य गोपनियता अप्नाएर काम गर्नु होला । धन दिएर शत्रु नबढाउनु होला ।

मकरः– काम गर्ने विश्वासिलो बातावरण बन्ने छैन । दूर्जनले दुःख दिनेछन् । पारिवारिक समस्या बढ्नेछन् । व्यर्थका काममा समय खर्च हुनेछ । व्यापार व्यवसायमा अवनति हुनेछ । स्वास्थ्यमा समस्या आउन सक्छ । फजुल खर्च बढ्नेछ । झुट्टा आरोप लाग्न सक्छ । जोखिम मोलेर काम नगर्नु होला ।

कुम्भः– समयले साथ दिनेछ । हिजो विरोध गर्ने आज मित्र बनेर आउने छन् । आफन्तका कारण लाभान्वित हुनुहुनेछ । काममा ढिला सुस्ति नगर्नु होला समयमा गरेका काममा सफलता मिल्नेछ । आम्दानीका नयाँ क्षेत्र देखिने छन् । व्यापार व्यवसायबाट आय आर्जन सन्तोषजनक नै होला । मांगलिक काम हुनेछन् ।

मिनः– गतिरोधको अन्त्य हुनेछ । सक्रियताले सफलताको शिखर चढन पाईनेछ । कुटनैतिक विधि अप्नाएर अगाडि बढ्नु होला । सहज र सरल विधिबाट कार्य योजना अगाडि बढ्ने छन् । सहयोगी हात भेटिने छन् । काम गरेर प्रशस्त धन कमाउने योग देखिन्छ । परिवारबाट सहयोग पाईनेछ । सामाजिक काममा सक्रियता बढ्नेछ । इज्जत प्रतिष्ठा बढ्नेछ ।

नोटः– यो राशि,पञ्चाङ्ग आदि नेपालको राजधानी काठमाडौंलाई आधार मानेर तयार गरिएको हो – पंडित श्रीकण्ठ सुराचार्य ।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.